نہ مانا میرا کہنا دل گیا کیوں داد خواہی کو

نہ مانا میرا کہنا دل گیا کیوں داد خواہی کو

سزا دیتے ہیں واں مجرم بنا کر بے گناہی کو

ہماری بے کسی نے چھان ڈالا ہے جہاں سارا

سوا تیرے ٹھکانا ہی نہیں ہے بے پناہی کو

قیامت میں وہ مجھ کو دیکھ کر کہتے ہیں غیروں سے

خدا کی شان ہے عاشق چلے ہیں داد خواہی کو

اڑائی خاک اس کی خوب جا کر کوہ و صحرا میں

دل وحشی نے کیا الٹے دیے چکر تباہی کو

اجڑ جائے گا جس دن کارخانہ بادہ خواروں کا

بہت روئے گا ساقی کشتیٔ مے کی تباہی کو

برا ہو رشک کا رہبر سمجھ کر دل سے جو پوچھا

عدم کا راستہ بتلا دیا گم گشتہ راہی کو

na mana mera kahna dil gaya kyun dad khwahi ko

saza dete hain wan mujrim bana kar be gunahi ko

hamari be kisi ne chhan dala hai jahan sara

siwa tere thikana hi nahin hai be panahi ko

qayamat mein wo mujh ko dekh kar kahte hain ghairon se

khuda ki shan hai ashiq chale hain dad khwahi ko

urai khak us ki khub ja kar koh-o-sahra mein

dil-e-wahshi ne kya ulte diye chakkar tabahi ko

ujar jaega jis din karkhana bada khwaron ka

bahut roega saqi kashti-e-mai ki tabahi ko

bura ho rashk ka rahbar samajh kar dil se jo puchha

adam ka rasta batla diya gum gashta rahi ko