نہ ملا ہوں نہ مفتی ہوں نہ واعظ ہوں نہ قاضی ہوں

نہ ملا ہوں نہ مفتی ہوں نہ واعظ ہوں نہ قاضی ہوں

گنہ گار و خطا کار و رضائے حق پہ راضی ہوں

جہاں سے ہوں یہاں آیا وہاں جاؤں گا آخر کو

مرا یہ حال ہے یارو نہ مستقبل نہ ماضی ہوں

میں ہوں نادان دور افتادہ دانائی کے دیواں سے

نہ ثانی ہوں سحابی کا نہ ہم بزم بیاضی ہوں

پریشاں دل ہوں میں تنہائی سے ماتمؔ زمانے میں

نہ ہم دوران فیضی ہوں نہ ہم عصر فیاضی ہوں

na mila hun na mufti hun na waiz hun na qazi hun

gunah gar-o-khata kar-o-raza-e-haq pe razi hun

jahan se hun yahan aya wahan jaunga akhir ko

mira ye hal hai yaro na mustaqbil na mazi hun

main hun nadan dur uftada danai ke diwan se

na sani hun sahabi ka na ham bazm-e-bayazi hun

pareshan dil hun main tanhai se matam zamane mein

na ham dauran faizi hun na ham asr fayyazi hun