نہ ساقی ہے نہ مینا ہے نہ بر میں یار جانی ہے

نہ ساقی ہے نہ مینا ہے نہ بر میں یار جانی ہے

حقیقت میں نہیں جیتے بہ صورت زندگانی ہے

نوازش پر مزاج آیا جہاں دیں گالیاں لاکھوں

کرم ہے آپ کا طرفہ عجائب مہربانی ہے

سنو ٹک گوش دل سے قصۂ جاں سوز کو میرے

کہ جگ بیتی نہیں ہے آپ بیتی یہ کہانی ہے

عبث ہے سوچ تجھ کو نامہ بر دے شوق سے مجھ کو

کوئی جھڑکی کوئی گالی اگر اس کی زبانی ہے

تو اپنے ہاتھ کا چھلا جو ہر اک سے چھپاتا ہے

بتا افسوسؔ کس پردہ نشیں کی یہ نشانی ہے

na saqi hai na mina hai na bar mein yar jani hai

haqiqat mein nahin jite ba surat zindagani hai

nawazish par mizaj aya jahan den galiyan lakhon

karam hai ap ka turfa ajaib mehrbani hai

suno tuk gosh-e-dil se qissa-e-jan soz ko mere

ke jag biti nahin hai ap biti ye kahani hai

abas hai soch tujh ko nama bar de shauq se mujh ko

koi jhirki koi gali agar us ki zabani hai

tu apne hath ka chhila jo har ik se chhupata hai

bata afsos kis parda nashin ki ye nishani hai