نہ پردہ کھولیو اے عشق غم میں تو میرا — زین العابدین خاں عارف

Arooz is now on the App Store, for iPhone and iPad. Download →

زین العابدین خاں عارف

نہ پردہ کھولیو اے عشق غم میں تو میرا

کہیں نہ سامنے ان کے ہو زرد رو میرا

تم اپنی زلف سے پوچھو مری پریشانی

کہ حال اس کو ہے معلوم ہو بہو میرا

اگرچہ لاکھ رفو گر نے دل کیا بہتر

یہ جب بھی ہو نہ سکا زخم دل رفو میرا

فقط وہ اس لیے آتے ہیں جانب زنداں

کہ پھنس کے گھٹنے لگے طوق میں گلو میرا

نشانہ تیر نگہ کا بہ دل کروں عارفؔ

لڑائے آنکھ اگر مجھ سے جنگجو میرا