نہ پایا کھوج برسوں نقش پائے رفتگاں ڈھونڈھے

نہ پایا کھوج برسوں نقش پائے رفتگاں ڈھونڈھے

نہ ہو ممکن پتا جن کا انہیں کوئی کہاں ڈھونڈھے

تلاش اس طرح بزم عیش میں ہے بے نشانوں کی

کوئی کپڑے میں جیسے زخم سوزن کا نشاں ڈھونڈھے

ہم اس کے ذکر ہی سے خوش کیا کرتے ہیں دل اپنا

سہارا جیسے تنکے کا غریق نیم جاں ڈھونڈھے

کدھر کو روٹھ کر جاتا رہا عہد شباب اپنا

نہ پایا اس مسافر کو ہزاروں کارواں ڈھونڈھے

اٹھانا ہو سبک آدم پہ جب بار امانت کا

کہاں سے پھر کوئی اس کے لیے بار گراں ڈھونڈھے

گرہ سانسوں میں ڈالی ہے ہوسؔ افراط گریہ نے

نہ آہ ناتواں آنے کو لب تک نردباں ڈھونڈھے

na paya khoj barson naqsh-e-pae raftagan dhundhe

na ho mumkin pata jin ka unhen koi kahan dhundhe

talash is tarah bazm-e-aish mein hai be nishanon ki

koi kapre mein jaise zakhm-e-sozan ka nishan dhundhe

ham us ke zikr hi se khush kiya karte hain dil apna

sahara jaise tinke ka ghariq-e-nim jan dhundhe

kidhar ko ruth kar jata raha ahd-e-shabab apna

na paya is musafir ko hazaron karwan dhundhe

uthana ho subuk adam pe jab bar-e-amanat ka

kahan se phir koi us ke liye bar-e-giran dhundhe

girah sanson mein dali hai hawas ifrat-e-girya ne

na ah natawan ane ko lab tak nardban dhundhe