نہ وہ فریاد کا مطلب نہ منشائے فغاں سمجھے

نہ وہ فریاد کا مطلب نہ منشائے فغاں سمجھے

ہم آج اپنی شب غم کی غلط سامانیاں سمجھے

بڑی مشکل سے ان کا راز الفت ہو سکا پنہاں

بڑی مدت میں جا کر ہم مزاج راز داں سمجھے

اب آیا ہے تو بیٹھے چارہ گر خاموش بالیں پر

مری بے چینیاں دیکھے مری بے تابیاں سمجھے

پیام شادمانی کیا سمجھ کر دے کوئی اس کو

جو تیرے غم کو تکمیل نشاط دو جہاں سمجھے

میں اس دنیا میں اے سیمابؔ اک راز حقیقت تھا

سمجھنے کی طرح اہل جہاں مجھ کو کہاں سمجھے

na wo fariyad ka matlab na mansha-e-fughan samjhe

ham aj apni shab-e-gham ki ghalat samaniyan samjhe

bari mushkil se un ka raz-e-ulfat ho saka pinhan

bari muddat mein ja kar ham mizaj-e-raz dan samjhe

ab aya hai to baithe chara gar khamosh balin par

miri be chiniyan dekhe miri be tabiyan samjhe

payam-e-shadmani kya samajh kar de koi us ko

jo tere gham ko takmil-e-nishat do jahan samjhe

main is duniya mein ai simab ik raz-e-haqiqat tha

samajhne ki tarah ahl-e-jahan mujh ko kahan samjhe