بوسہ زلف دوتا کا دو
Shad Lakhnavi (d. 1892)بوسہ زلف دوتا کا دو
روحوں بلائیں صدقہ دو
رد و بدل کیا بوسہ دو
لیتا ایک نہ دیتا دو
زلف سیہ کے مجرم ہیں
کالے پانی بھجوا دو
یہ جائیں گے مثل حباب
چھوٹنے دل کا چھالا دو
مشرک کیا ہو وحدت میں
ایک کو دیکھے جھٹکا دو
گھر میں بلا کے قتل کرو
دروازے میں تیغا دو
ہم پہ کھلا ہے راز کمر
اور کسی کو دھوکا دو
چاہئے ہم کو غسل و کفن
کپڑے بدلیں نہلا دو
گل کھا کھا کر دی ہے جان
قبر میں میری چھلا دو
تربت واعظ تک چلو شادؔ
جھوٹے کو حد تک پہنچا دو
bosa zulf-e-duta ka do
ruhon balaen sadqa do
rad-o-badal kya bosa do
leta ek na deta do
zulf-e-siyah ke mujrim hain
kale pani bhijwa do
ye jaenge misl-e-habab
chhutne dil ka chhala do
mushrik kya ho wahdat mein
ek ko dekhe jhatka do
ghar mein bala ke qatl karo
darwaze mein tegha do
ham pe khula hai raz kamar
aur kisi ko dhoka do
chahiye ham ko ghusl-o-kafan
kapre badlen nahla do
gul kha kha kar di hai jan
qabr mein meri chhila do
turbat waiz tak chalo shad
jhute ko had tak pahuncha do