نالہ جان خستہ جاں عرش بریں پہ جائے کیوں

نالہ جان خستہ جاں عرش بریں پہ جائے کیوں

میرے لئے زمین پر صاحب عرش آئے کیوں

نور زمین و آسماں دیدۂ دل میں آئے کیوں

میرے سیاہ خانے میں کوئی دیا جلائے کیوں

زخم کو گھاؤ کیوں بناؤ درد کو اور کیوں بڑھاؤ

نسبت ہو کو توڑ کر کیجئے ہائے ہائے کیوں

بخشنے والا جب مرا عفو پہ ہے تلا ہوا

مجھ سا گناہ گار پھر جرم سے باز آئے کیوں

امجدؔ خستہ حال کی پوری ہو کیوں کر آرزو

دل ہی نہیں جب اس کے پاس مطلب دل بر آئے کیوں

nala jan-e-khasta jan arsh-e-barin pe jae kyun

mere liye zamin par sahab-e-arsh ae kyun

nur-e-zamin-o-asman dida-e-dil mein ae kyun

mere siyah khane mein koi diya jalae kyun

zakhm ko ghao kyun banao dard ko aur kyun barhao

nisbat ho ko tor kar kijiye hae hae kyun

bakhshne wala jab mira afw pe hai tala hua

mujh sa gunah gar phir jurm se baz ae kyun

amjad-e-khasta hal ki puri ho kyun kar arzu

dil hi nahin jab us ke pas matlab-e-dil bar ae kyun