نام سے تیرے جو روشن مطلع دیواں ہوا

نام سے تیرے جو روشن مطلع دیواں ہوا

ہر ورق خورشید کے مانند نور افشاں ہوا

تیری ہی قدرت سے پیدا ہے زمین و آسماں

خاک کا پتلا تجلی سے تری انساں ہوا

تیرے ابر فیض سے تازہ ہے باغ کائنات

کیا گل عالم نسیم فضل سے خنداں ہوا

قدر رکھتا ہے سلیماں سے زیادہ مور بھی

جو گدا دروازے کا تیرے ہوا سلطاں ہوا

یاد سے تیری دل ناشاد اپنا شاد ہے

ذکر تیرا میرے درد فکر کا درماں ہوا

سر بلندی میں بھی مجھ کو فخر کی دولت ملی

اللہ اللہ کس قدر مجھ پر ترا احساں ہوا

حلقۂ صاحب دلاں میں تیرا احقرؔ نام ہے

یہ سمجھ لے چاک تیرا نامۂ عصیاں ہوا

nam se tere jo raushan matla-e-diwan hua

har waraq khurshid ke manind nur afshan hua

teri hi qudrat se paida hai zamin-o-asman

khak ka putla tajalli se tiri insan hua

tere abr-e-faiz se taza hai bagh-e-kainat

kya gul-e-alam nasim-e-fazl se khandan hua

qadr rakhta hai sulaiman se ziyada mor bhi

jo gada darwaze ka tere hua sultan hua

yad se teri dil-e-nashad apna shad hai

zikr tera mere dard-e-fikr ka darman hua

sar bulandi mein bhi mujh ko fakhr ki daulat mili

allah allah kis qadar mujh par tira ehsan hua

halqa-e-sahab dalan mein tera ahqar nam hai

ye samajh le chak tera nama-e-isyan hua