نالۂ دل کمال کا نکلا
نسیم بھرتپورینالۂ دل کمال کا نکلا
ان سے پہلو وصال کا نکلا
دل کی چوری کی فال کھولی تھی
نام اس مہ جمال کا نکلا
دے گئے وہ جواب صاف مجھے
یہ نتیجہ سوال کا نکلا
وہ خفا تھے یوں ہی کہ اے قاصد
کچھ سبب بھی ملال کا نکلا
دل لیا تیرا اے نسیمؔ اس نے
گاہک اچھے ہی مال کا نکلا
nala-e-dil kamal ka nikla
un se pahlu wisal ka nikla
dil ki chori ki fal kholi thi
nam us mah jamal ka nikla
de gae wo jawab-e-saf mujhe
ye natija sawal ka nikla
wo khafa the yun hi ke ai qasid
kuchh sabab bhi malal ka nikla
dil liya tera ai nasim us ne
gahak achchhe hi mal ka nikla