نالے مجبوروں کے خالی نہیں جانے والے

نالے مجبوروں کے خالی نہیں جانے والے

ہیں یہ سوتا ہوا انصاف جگانے والے

حد سے ٹکراتی ہے جو شے وہ پلٹتی ہے ضرور

خود بھی روئیں گے غریبوں کو رلانے والے

چپ ہے پروانہ تو کیا شمع کو خود ہے اقرار

آپ ہی جلتے ہیں اوروں کو جلانے والے

آرزوؔ ذکر زبانوں پہ ہے عبرت کے لئے

مٹنے والے ہیں نہ باقی ہیں مٹانے والے

nale majburon ke khali nahin jane wale

hain ye sota hua insaf jagane wale

had se takrati hai jo shai wo palatti hai zarur

khud bhi roenge gharibon ko rulane wale

chup hai parwana to kya shama ko khud hai iqrar

ap hi jalte hain auron ko jalane wale

arzu zikr zabanon pe hai ibrat ke liye

mitne wale hain na baqi hain mitane wale