نالے دم لیتے نہیں یارب فغاں رکتی نہیں

نالے دم لیتے نہیں یارب فغاں رکتی نہیں

گو قفس میں بند ہوں لیکن زباں رکتی نہیں

ڈر رہا ہوں ٹوٹ جائیں گی قفس کی تیلیاں

کیا مصیبت ہے ہوائے بوستاں رکتی نہیں

دیدنی ہیں ملزم ہستی کی طوفاں خیزیاں

ڈوبنے سے کشتئ عمر رواں رکتی نہیں

اڑ کے ہم پہنچیں گے منزل پر ہوائے شوق میں

کارواں رک جائے گرد کارواں رکتی نہیں

دقتیں حائل ہیں فن شعر میں لیکن عزیزؔ

ایک آندھی ہے مری طبع رواں رکتی نہیں

nale dam lete nahin yarab fughan rukti nahin

go qafas mein band hun lekin zaban rukti nahin

dar raha hun tut jaengi qafas ki teliyan

kya musibat hai hawa-e-bostan rukti nahin

didani hain mulzim hasti ki tufan kheziyan

dubne se kashti-e-umr-e-rawan rukti nahin

ur ke ham pahunchenge manzil par hawa-e-shauq mein

karwan ruk jae gard-e-karwan rukti nahin

diqqaten hail hain fan-e-sher mein lekin aziz

ek andhi hai miri tab-e-rawan rukti nahin