نثار اس پر نہ ہونے سے نہ تنگ آیا نہ عار آئی

نثار اس پر نہ ہونے سے نہ تنگ آیا نہ عار آئی

مرے کس کام آخر زندگئ مستعار آئی

یہیں دیکھا کہ غلبہ ایک کو ہوتا ہے لاکھوں پر

طبیعت ایک بار آئی ندامت لاکھ بار آئی

ترے دل سے ترے لب تک تری آنکھوں سے مژگاں تک

محبت بے قرار آئی مروت شرمسار آئی

شراب عشق سے کرنے کو تھا توبہ کہ یار آیا

مرے آڑے یہ نیکی کب کی اے پروردگار آئی

دل محزوں کی آہیں مست کرتی ہیں مجھے کیفیؔ

کہ جب لی سانس میں نے مجھ کو بوئے زلف یار آئی

nisar us par na hone se na tang aya na ar ai

mire kis kam akhir zindagi-e-mustaar ai

yahin dekha ke ghalba ek ko hota hai lakhon par

tabiat ek bar ai nadamat lakh bar ai

tire dil se tire lab tak tiri ankhon se mizhgan tak

mohabbat be qarar ai murawwat sharmsar ai

sharab-e-ishq se karne ko tha tauba ke yar aya

mire are ye neki kab ki ai parwardigar ai

dil-e-mahzon ki ahen mast karti hain mujhe kaifi

ke jab li sans main ne mujh ko bu-e-zulf-e-yar ai