نایاب ہے سکون دل بے قرار میں

نایاب ہے سکون دل بے قرار میں

بسمل کی ہے تڑپ مرے کنج مزار میں

گلزار دہر میں چمن بے خزاں ہوں میں

لالے کا رنگ ہے جگر داغ دار میں

کانٹا ملا ہے گونج کا زلفوں کا جال ہے

بالی کی مچھلی ہاتھ لگی ہے شکار میں

نو لاکھ کی جبھی ہوئی قیمت اسے نصیب

موتی تھے میرے آبلوں کے ان کے ہار میں

ایام عیش میں رخ دولت سے ہے الگ

افسوس پر ہمارے کٹے ہیں بہار میں

جب سے اڑی ہے خاک الم رشک ماہتاب

اک آسمان اور ہے میرے غبار میں

دھوئی ہوئی ہے دودھ سے تیری زبان صاف

اخترؔ تو ہی ہے شاعروں کے اعتبار میں

nayab hai sukun-e-dil-e-be qarar mein

bismil ki hai tarap mire kunj-e-mazar mein

gulzar-e-dahr mein chaman-e-be khizan hun main

lale ka rang hai jigar-e-dagh dar mein

kanta mila hai gunj ka zulfon ka jal hai

bali ki machhli hath lagi hai shikar mein

nau lakh ki jabhi hui qimat use nasib

moti the mere ablon ke un ke har mein

ayyam-e-aish mein rukh-e-daulat se hai alag

afsos par hamare kate hain bahar mein

jab se uri hai khak alam rashk-e-mahtab

ik asman aur hai mere ghubar mein

dhoi hui hai dudh se teri zaban-e-saf

akhtar tu hi hai shayaron ke etibar mein