نام لو گے جو یاں سے جانے کا

نام لو گے جو یاں سے جانے کا

آپ میں پھر نہیں میں آنے کا

ہم کو طوف حرم میں یاد آیا

لڑکھڑانا شراب خانے کا

دم لے اے چشم تر کہ دیکھوں میں

عالم اس گل کے مسکرانے کا

دیکھ سکتے نہیں وہ میرا حال

کیا سبب کہئے مسکرانے کا

دل صد چاک کی بنا صورت

زلف پر دل گیا ہے شانے کا

جلوہ اس ضد سے وہ دکھا دیں گے

ہم کو دعویٰ ہے تاب لانے کا

سن کے وہ حال کہتے ہے تسکیںؔ

نام بھی کچھ ہے اس فسانے کا

nam loge jo yan se jane ka

ap mein phir nahin main ane ka

ham ko tauf-e-haram mein yad aya

larkharana sharab khane ka

dam le ai chashm-e-tar ke dekhon mein

alam us gul ke muskurane ka

dekh sakte nahin wo mera hal

kya sabab kahiye muskurane ka

dil-e-sad chak ki bana surat

zulf par dil gaya hai shane ka

jalwa is zid se wo dikha denge

ham ko daawa hai tab lane ka

sun ke wo hal kahte hai taskin

nam bhi kuchh hai is fasane ka