بنی تھی دل پہ کچھ ایسی کی اضطراب نہ تھا

بنی تھی دل پہ کچھ ایسی کی اضطراب نہ تھا

غشی کو آپ نے سمجھا تھا خواب خواب نہ تھا

یہ حسن ظن ہے کہ بیخودؔ کبھی خراب نہ تھا

کسر تھی اتنی کہ آلودۂ شراب نہ تھا

ہماری آنکھ سے تم دیکھتے تو کھل جاتا

کہ آئینے میں بھی اس شکل کا جواب نہ تھا

ہزاروں اس دل بے آرزو نے ڈھائے ستم

بھلے کو اور مرے ساتھ کچھ عذاب نہ تھا

مجھے یہ رشک کہ دشمن کا ذکر کیوں آئے

انہیں یہ ناز مری بات کا جواب نہ تھا

یہ بت سمجھتے تھے بیخودؔ کو بار خاطر کیوں

کسی کے دل میں تو وہ خانماں خراب نہ تھا

bani thi dil pe kuchh aisi ki iztirab na tha

ghashi ko ap ne samjha tha khwab khwab na tha

ye husn-e-zan hai ke bekhud kabhi kharab na tha

kasar thi itni ke aluda-e-sharab na tha

hamari ankh se tum dekhte to khul jata

ke aine mein bhi is shakl ka jawab na tha

hazaron is dil-e-be arzu ne dhae sitam

bhale ko aur mire sath kuchh azab na tha

mujhe ye rashk ke dushman ka zikr kyun ae

unhen ye naz miri bat ka jawab na tha

ye but samajhte the bekhud ko bar-e-khatir kyun

kisi ke dil mein to wo khanuman kharab na tha