نہ ارماں بن کے آتے ہیں نہ حسرت بن کے آتے ہیں

نہ ارماں بن کے آتے ہیں نہ حسرت بن کے آتے ہیں

شب وعدہ وہ دل میں درد فرقت بن کے آتے ہیں

پریشاں زلف منہ اترا ہوا محجوب سی آنکھیں

وہ بزم غیر سے عاشق کی صورت بن کے آتے ہیں

بنے ہیں شیخ صاحب نقل مجلس بزم رنداں میں

جہاں تشریف لے جاتے ہیں حضرت بن کے آتے ہیں

نہ رکھنا ہم سے کچھ مطلب یہ پہلی شرط ہے ان کی

وہ جس کے پاس آتے ہیں امانت بن کے آتے ہیں

ستم کی خواہشیں بیخودؔ غضب کی آرزوئیں ہیں

جوانی کے یہ دن شاید مصیبت بن کے آتے ہیں

na arman ban ke ate hain na hasrat ban ke ate hain

shab-e-waada wo dil mein dard-e-furqat ban ke ate hain

pareshan zulf munh utra hua mahjub si ankhen

wo bazm-e-ghair se ashiq ki surat ban ke ate hain

bane hain shaikh sahab naql-e-majlis bazm-e-rindan mein

jahan tashrif le jate hain hazrat ban ke ate hain

na rakhna ham se kuchh matlab ye pahli shart hai un ki

wo jis ke pas ate hain amanat ban ke ate hain

sitam ki khwahishen bekhud ghazab ki arzuen hain

jawani ke ye din shayad musibat ban ke ate hain