نہ اتنا کیجے طلب گار کون آپ کا ہے

نہ اتنا کیجے طلب گار کون آپ کا ہے

یہ غیر ہے تو یہاں یار کون آپ کا ہے

نہ ناز کیجئے وارستہ خاطروں کے ساتھ

کدھر ہیں آپ خریدار کون آپ کا ہے

مسیحا اپنا ہے اک اور ہی لب جاں بخش

خدا کے فضل سے بیمار کون آپ کا ہے

ہم اپنی بے گنہی کو گناہ کہتے تھے

بگڑ گئے یہ گناہ گار کون آپ کا ہے

تصور اور ہی بدمست کا ہے لطفؔ کو اب

نہ آپ بہکیے سرشار کون آپ کا ہے

na itna kije talab gar kaun ap ka hai

ye ghair hai to yahan yar kaun ap ka hai

na naz kijiye warasta khatiron ke sath

kidhar hain ap kharidar kaun ap ka hai

masiha apna hai ik aur hi lab-e-jan bakhsh

khuda ke fazl se bimar kaun ap ka hai

ham apni be gunahi ko gunah kahte the

bigar gae ye gunah gar kaun ap ka hai

tasawwur aur hi badmast ka hai lutf ko ab

na ap bahakiye sarshar kaun ap ka hai