نگاہوں سے نگاہیں سامنے ہوتے ہی جب لڑیاں

نگاہوں سے نگاہیں سامنے ہوتے ہی جب لڑیاں

یکایک کھل گئیں دونوں طرف سے دل کی کلجھڑیاں

یہ اب کی شب برات اے یار تجھ بن ہم پہ یوں گزری

ہوائی تو ہماری آہ تھی اور اشک پھلجھڑیاں

ہماری آہ جیسے لخت دل سے گتھ کے نکلے ہے

کہیں دیکھی ہیں تیں اس لطف سے پھولوں کی بھی چھڑیاں

موا مجنوں تو اک مدت ہوئی پر اب تک اس غم میں

کریں ہیں نالہ مل کر ہم دگر زنجیر کی کڑیاں

زمیں سے یہ لگو نہیں گل بھلا کس طرح نکلے ہیں

جو لاکھوں صورتیں دل کش نہیں اس خاک میں گڑیاں

کبھو ٹوٹا نہ مژگاں سے مری آنسو کا زنجیرا

نہ جانے اشک کے قطرے تھے یا موتی کی یہ لڑیاں

بھرے آتے ہیں قائمؔ پے بہ پے اس طرح آنسو سے

کہے تو چشم کو میری کہ ہیں یہ رہٹ کی گھڑیاں

nigahon se nigahen samne hote hi jab lariyan

yakayak khul gain donon taraf se dil ki kaljhariyan

ye ab ki shab barat ai yar tujh bin ham pe yun guzri

hawai to hamari ah thi aur ashk phuljhariyan

hamari ah jaise lakht-e-dil se gath ke nikle hai

kahin dekhi hain tin is lutf se phulon ki bhi chhariyan

mua majnun to ik muddat hui par ab tak is gham mein

karen hain nala mil kar ham digar zanjir ki kariyan

zamin se ye lago nahin gul bhala kis tarah nikle hain

jo lakhon suraten dil kash nahin is khak mein guriyan

kabhu tuta na mizhgan se miri ansu ka zanjira

na jane ashk ke qatre the ya moti ki ye lariyan

bhare ate hain qaim pe ba pe is tarah ansu se

kahe to chashm ko meri ke hain ye rahat ki ghariyan