نہ بلوایا نہ آئے روز وعدہ کر کے دن کاٹے

نہ بلوایا نہ آئے روز وعدہ کر کے دن کاٹے

بڑے وہ ہو کہ تم نے اچھا اچھا کر کے دن کاٹے

اکیلے کیا تمہیں نے سختیاں جھیلیں جدائی کی

نہیں ہم نے بھی پتھر کا کلیجا کر کے دن کاٹے

بتا مجھ کو طریقہ اے شب غم سال کٹنے کا

کوئی بارہ مہینے تیس دن کیا کر کے دن کاٹے

جسے اپنا سمجھتے تھے وہی دل ہو گیا ان کا

کوئی دنیا میں اب کس کا بھروسا کر کے دن کاٹے

قضا بھی آ گئی لیکن نہ آنا تھا نہ آئے وہ

یہ میں نے عمر بھر کس کی تمنا کر کے دن کاٹے

تمہارا کیا کھلے بندوں رہے چاہے جسے دیکھا

کمال اس نے کیا مضطرؔ کہ پردا کر کے دن کاٹے

na balwaya na ae roz-e-waada kar ke din kate

bare wo ho ke tum ne achchha achchha kar ke din kate

akele kya tumhen ne sakhtiyan jhelen judai ki

nahin ham ne bhi patthar ka kaleja kar ke din kate

bata mujh ko tariqa ai shab-e-gham sal katne ka

koi bara mahine tis din kya kar ke din kate

jise apna samajhte the wahi dil ho gaya un ka

koi duniya mein ab kis ka bharosa kar ke din kate

qaza bhi a gai lekin na ana tha na ae wo

ye main ne umr bhar kis ki tamanna kar ke din kate

tumhara kya khule bandon rahe chahe jise dekha

kamal us ne kiya muztar ke parda kar ke din kate