بوند اشکوں سے اگر لطف روانی مانگے

بوند اشکوں سے اگر لطف روانی مانگے

بلبلہ آنکھوں سے خونابہ فشانی مانگے

بحر الفت میں چلا ہے تو پہلے مستول

تیر سے آہ کے کشتئ دخانی مانگے

نکتۂ وصل دم عرض قلم پر رکھے

بوسہ چاہے تو لب شوق زبانی مانگے

تا قیامت دل بیدار سنائے ہر روز

خواب راحت ترا گر روز کہانی مانگے

دل تو دل افعئ گیسو وہ بلا ہے کافر

اس کا کاٹا کوئی افعی بھی نہ پانی مانگے

ترے قدموں کی بدولت ہے نشاں تربت پر

اس سے بڑھ کر کوئی کیا مر کے نشانی مانگے

اس جواں کے غم ہجراں نے کیا ہے بوڑھا

خضر بھی دیکھ کے جس بت کو جوانی مانگے

چاہ میں اس مہ نخشب کے شب و روز ہیں غرق

قاز جس کا مہ کنعاں سے شبانی مانگے

خارج امکاں سے ہے شہبازؔ شہیدوں کا شمار

کوئی کس کس کے لیے مرثیہ خوانی مانگے

bund ashkon se agar lutf-e-rawani mange

balbila ankhon se khonaba fishani mange

bahr-e-ulfat mein chala hai to pahle mastul

tir se ah ke kashti-e-dukhani mange

nukta-e-wasl dam-e-arz-e-qalam par rakhe

bosa chahe to lab shauq zabani mange

ta qayamat dil-e-bedar sunae har roz

khwab-e-rahat tira gar roz kahani mange

dil to dil afi-e-gesu wo bala hai kafir

us ka kata koi afi bhi na pani mange

tire qadmon ki badaulat hai nishan turbat par

is se barh kar koi kya mar ke nishani mange

is jawan ke gham-e-hijran ne kiya hai burha

khizr bhi dekh ke jis but ko jawani mange

chah mein us mah-e-nakhshab ke shab-o-roz hain gharq

qaz jis ka mah-e-kanan se shabani mange

kharij imkan se hai shahbaz shahidon ka shumar

koi kis kis ke liye marsiya khwani mange