نہ آئے سامنے میرے اگر نہیں آتا

نہ آئے سامنے میرے اگر نہیں آتا

مجھے تو اس کے سوا کچھ نظر نہیں آتا

بلا اسے بھی تو کہتے ہیں لوگ عالم میں

عجب ہے کس لیے وہ میرے گھر نہیں آتا

وہ میرے سامنے طوبیٰ کو قد سے ماپ چکے

انہوں کے نام خدا تا کمر نہیں آتا

نہ بے خطر رہو مجھ سے کہ درد مندوں کے

لبوں پہ نالہ کوئی بے خطر نہیں آتا

ڈرا دیا ہے کسی نے اسے مگر عارفؔ

مرے خرابے کی جانب خضر نہیں آتا

na ae samne mere agar nahin ata

mujhe to us ke siwa kuchh nazar nahin ata

bala use bhi to kahte hain log alam mein

ajab hai kis liye wo mere ghar nahin ata

wo mere samne tuba ko qad se map chuke

unhon ke nam-e-khuda ta kamar nahin ata

na be khatar raho mujh se ke dard mandon ke

labon pe nala koi be khatar nahin ata

dara diya hai kisi ne use magar arif

mire kharabe ki janib khizar nahin ata