نہ آ جائے کسی پر دل کسی کا

نہ آ جائے کسی پر دل کسی کا

نہ ہو یا رب کوئی مائل کسی کا

لگا اک ہاتھ بھی کیا دیکھتا ہے

کہیں کرتے ہیں ڈر قاتل کسی کا

ادا سے اس نے دو باتیں بنا کر

کسی کی جان لے لی دل کسی کا

اٹھا جب درد پہلو دل پکارا

نہیں کوئی دم مشکل کسی کا

ابھی جینا پڑا کچھ دن ہمیں اور

ٹلا پھر وعدۂ باطل کسی کا

بہت آہستہ چلمن کو اٹھانا

ملیں آنکھیں کہ بیٹھا دل کسی کا

حفیظؔ اس طرح بھرتے ہو جو آہیں

دکھاؤ گے مگر تم دل کسی کا

na a jae kisi par dil kisi ka

na ho ya rab koi mail kisi ka

laga ik hath bhi kya dekhta hai

kahin karte hain dar qatil kisi ka

ada se us ne do baten bana kar

kisi ki jan le li dil kisi ka

utha jab dard-e-pahlu dil pukara

nahin koi dam-e-mushkil kisi ka

abhi jina para kuchh din hamen aur

tala phir waada-e-batil kisi ka

bahut ahista chilman ko uthana

milen ankhen ke baitha dil kisi ka

hafiz is tarah bharte ho jo ahen

dikhaoge magar tum dil kisi ka