بوسہ لیا جو چشم کا بیمار ہو گئے
حیرت الہ آبادیبوسہ لیا جو چشم کا بیمار ہو گئے
زلفیں چھوئیں بلا میں گرفتار ہو گئے
سکتہ ہے بیٹھے سامنے تکتے ہیں ان کی شکل
کیا ہم بھی عکس آئینۂ یار ہو گئے
بیٹھے تمہارے در پہ تو جنبش تلک نہ کی
ایسے جمے کہ سایۂ دیوار ہو گئے
ہم کو تو ان کے خنجر ابرو کے عشق میں
دن زندگی کے کاٹنے دشوار ہو گئے
bosa liya jo chashm ka bimar ho gae
zulfen chhuen bala mein giraftar ho gae
sakta hai baithe samne takte hain un ki shakl
kya ham bhi aks-e-aina-e-yar ho gae
baithe tumhare dar pe to jumbish talak na ki
aise jame ke saya-e-diwar ho gae
ham ko to un ke khanjar abru ke ishq mein
din zindagi ke katne dushwar ho gae