ناز ہے مشق جفا پر اس ستم ایجاد کو

ناز ہے مشق جفا پر اس ستم ایجاد کو

کب کرے گا شاد میری خاطر ناشاد کو

کس طرح کا سم قاتل ہے یہ شربت عشق کا

جان شیریں زہر آخر ہو گئی فرہاد کو

رحم جب کرتا نہیں نالوں سے پھر کیا فائدہ

درد مندی بلبل نالاں سے کیا صیاد کو

کیسے وہ خوش فہم ہیں پتھر پڑے اس فہم پر

جو جہان آباد سمجھے اس خراب آباد کو

اک تعلق سے ہزاروں رنج ہوتے ہیں نصیب

فکر کرتے کس نے دیکھا ہے کسی آزاد کو

جانتے ہیں جزو ہے ایمان کا حب وطن

بے طرح بھولے وطن ہیں کیا ہوا استاد کو

نالہ و زاری میں اے عاجزؔ تو کیوں مصروف ہے

کون سنتا ہے ارے ناداں تری فریاد کو

naz hai mashq-e-jafa par us sitam ijad ko

kab karega shad meri khatir-e-nashad ko

kis tarah ka sam-e-qatil hai ye sharbat ishq ka

jan-e-shirin zahr akhir ho gai farhad ko

rahm jab karta nahin nalon se phir kya faida

dard mandi bulbul-e-nalan se kya sayyad ko

kaise wo khush fahm hain patthar pare is fahm par

jo jahan abad samjhe is kharab abad ko

ik taalluq se hazaron ranj hote hain nasib

fikr karte kis ne dekha hai kisi azad ko

jante hain juzw hai iman ka hub-e-watan

be tarah bhule watan hain kya hua ustad ko

nala-o-zari mein ai ajiz to kyun masruf hai

kaun sunta hai are nadan tiri fariyad ko