نازنینان جہاں شعبدہ گر پکے ہیں

نازنینان جہاں شعبدہ گر پکے ہیں

دیکھنے کو تو یہ بھولے ہیں مگر پکے ہیں

ہم لٹا دیں گے محبت میں متاع ہستی

ہم دکھا دیں گے ارادے کے اگر پکے ہیں

پختہ کاری کی خبر دیتی ہے خامی ان کی

کان کے کچے ہیں مطلب کے مگر پکے ہیں

یہ تو فرمائیے قسموں کی ضرورت کیا تھی

آپ اقرار کے وعدے کے اگر پکے ہیں

خوف طوفان حوادث کا نہیں مجھ کو عزیزؔ

جن کی بنیاد ہے مضبوط وہ گھر پکے ہیں

nazninan jahan shobada gar pake hain

dekhne ko to ye bhule hain magar pake hain

ham luta denge mohabbat mein mata-e-hasti

ham dikha denge irade ke agar pake hain

pukhta kari ki khabar deti hai khami un ki

kan ke kachche hain matlab ke magar pake hain

ye to farmaiye qasmon ki zarurat kya thi

ap iqrar ke waade ke agar pake hain

khauf tufan-e-hawadis ka nahin mujh ko aziz

jin ki buniyad hai mazbut wo ghar pake hain