نالاں نہیں کچھ ترے ستم پر

نالاں نہیں کچھ ترے ستم پر

ایسی ہی بنی ہے اپنے دم پر

ہر داغ پر ایک زخم آیا

قاتل کا یہ سکہ ہے درم پر

لو اہل جہاں نوید فرحت

مائل ہے دل اپنا اخذ غم پر

کیسی ہی صدا مہیب آ جائے

نالے کا گماں کریں وہ ہم پر

سالکؔ سے لیا ہے تم نے دل مفت

یاں اور بھی بیچتے ہیں کم پر

nalan nahin kuchh tire sitam par

aisi hi bani hai apne dam par

har dagh par ek zakhm aya

qatil ka ye sikka hai diram par

lo ahl-e-jahan nawed-e-farhat

mail hai dil apna akhz gham par

kaisi hi sada muhib a jae

nale ka guman karen wo ham par

salik se liya hai tum ne dil muft

yan aur bhi bechte hain kam par