نا کسی سے پاس میرے یار کا آنا گیا

نا کسی سے پاس میرے یار کا آنا گیا

بس گیا میں جان سے اب اس سے یہ جانا گیا

کچھ نہ دیکھا پھر بجز یک شعلۂ پر پیچ و تاب

شمع تک تو ہم نے دیکھا تھا کہ پروانہ گیا

ایک ہی چشمک تھی فرصت صحبت احباب کی

دیدۂ تر ساتھ لے مجلس سے پیمانہ گیا

گل کھلے صد رنگ تو کیا بے پری سے اے نسیم

مدتیں گزریں کہ وہ گلزار کا جانا گیا

دور تجھ سے میرؔ نے ایسا تعب کھینچا کہ شوخ

کل جو میں دیکھا اسے مطلق نہ پہچانا گیا

na kisi se pas mere yar ka ana gaya

bas gaya main jan se ab us se ye jana gaya

kuchh na dekha phir bajuz yak shola-e-pur pech-o-tab

shama tak to ham ne dekha tha ke parwana gaya

ek hi chashmak thi fursat sohbat-e-ahbab ki

dida-e-tar sath le majlis se paimana gaya

gul khule sad rang to kya be pari se ai nasim

muddaten guzren ke wo gulzar ka jana gaya

dur tujh se mir ne aisa taab khincha ke shokh

kal jo main dekha use mutlaq na pahchana gaya