ناصحا کر نہ اسے سی کے پشیماں مجھ کو

ناصحا کر نہ اسے سی کے پشیماں مجھ کو

کتنے ہی چاک ابھی کرنے ہیں گریباں مجھ کو

وحشت دل کوئی شہروں میں سما سکتی ہے

کاش لے جائے جنوں سوئے بیاباں مجھ کو

اہل مسجد نے جو کافر مجھے سمجھا تو کیا

ساکن دیر تو جانے ہیں مسلماں مجھ کو

میں سر مو نہیں جوں زلف کسی سے شاکی

بادہ دستی نے کیا میری پریشاں مجھ کو

سچ کہو کس سے ہے یہ نین کھلانے کا شوق

بھیجتے ہو جو پئے سرمہ صفاہاں مجھ کو

یاں تلک خوش ہوں امارد سے کہ اے رب کریم

کاش دے حور کے بدلے بھی تو غلماں مجھ کو

مفت تک تو کوئی قائمؔ نہیں لینے کا یہ جنس

کہہ فلک سے کرے کچھ اور بھی ارزاں مجھ کو

nasha kar na use si ke pasheman mujh ko

kitne hi chak abhi karne hain gareban mujh ko

wahshat-e-dil koi shahron mein sama sakti hai

kash le jae junun su-e-bayaban mujh ko

ahl-e-masjid ne jo kafir mujhe samjha to kiya

sakin-e-dair to jane hain musalman mujh ko

main sar-e-mu nahin jun zulf kisi se shaki

bada dasti ne kiya meri pareshan mujh ko

sach kaho kis se hai ye nain khilane ka shauq

bhejte ho jo piye surma safahan mujh ko

yan talak khush hun umurad se ke ai rab-e-karim

kash de hur ke badle bhi to ghilman mujh ko

muft tak to koi qaim nahin lene ka ye jins

kah falak se kare kuchh aur bhi arzan mujh ko