بند بھی آنکھوں کو ذری کیجیے

بند بھی آنکھوں کو ذری کیجیے

چند پریشاں نظری کیجیے

اک نظر ایدھر بھی ذری کیجیے

گر نہیں اچھی، نظری کیجیے

دل کے عوض دیجیے بوسہ ہی ایک

خوب نہیں مفت بری کیجیے

آئینے میں دیکھیے مکھڑا میاں

آئینے کو رشک پری کیجیے

گر نہیں قاصد تو بدل کر کے بھیس

آپ ہی پیغمبری کیجیے

قدر ہنر کی جو ہوئی دیکھ لی

اب ہنر بے ہنری کیجیے

کون ہے ان باتوں کا مانع میاں

خوب سی بیداد گری کیجیے

دل کی کچھ اس کو سے نہ آئی خبر

ماتم یار سفری کیجیے

مصحفیؔ ہے وقت وداع جہاں

مثل چراغ سحری کیجیے

band bhi ankhon ko zari kijiye

chand pareshan nazari kijiye

ik nazar idhar bhi zari kijiye

gar nahin achchhi, nazari kijiye

dil ke ewaz dijiye bosa hi ek

khub nahin muft buri kijiye

aine mein dekhiye mukhra miyan

aine ko rashk-e-pari kijiye

gar nahin qasid to badal kar ke bhes

ap hi paighambari kijiye

qadr hunar ki jo hui dekh li

ab hunar be hunari kijiye

kaun hai in baton ka mane miyan

khub si bedad giri kijiye

dil ki kuchh us ko se na ai khabar

matam yar safari kijiye

mushafi hai waqt-e-wida-e-jahan

misl-e-charagh-e-sahari kijiye