ناخوش جو ہو گل بدن کسی کا

ناخوش جو ہو گل بدن کسی کا

کیا بھائے اسے سخن کسی کا

گل کی مجھے کیوں کلی دکھائی

یاد آ گیا پھر دہن کسی کا

ہر سنگ کی کوہ پر صدا ہے

یاں دفن ہے کوہ کن کسی کا

کرتے ہو پسند وحشت دل

لے جاؤ گے کیا ہرن کسی کا

بھولی ہے صبا قبائے گل پر

دیکھا نہیں پیرہن کسی کا

عاشق ہی کے جب نہ کام آیا

کس کام کا بانکپن کسی کا

آ جائے کسی کی موت مجھ کو

مل جائے مجھے کفن کسی کا

سینہ سے ہمارا دل نہ لے جاؤ

چھڑواتے ہو کیوں وطن کسی کا

گاتے ہیں سخیؔ ہی کی غزل وہ

بھاتا ہی نہیں سخن کسی کا

nakhush jo ho gul badan kisi ka

kya bhae use sukhan kisi ka

gul ki mujhe kyun kali dikhai

yad a gaya phir dahan kisi ka

har sang ki koh par sada hai

yan dafn hai koh kin kisi ka

karte ho pasand wahshat-e-dil

le jaoge kya hiran kisi ka

bhuli hai saba qaba-e-gul par

dekha nahin pairahan kisi ka

ashiq hi ke jab na kam aya

kis kam ka bankpan kisi ka

a jae kisi ki maut mujh ko

mil jae mujhe kafan kisi ka

sina se hamara dil na le jao

chhurwate ho kyun watan kisi ka

gate hain sakhi hi ki ghazal wo

bhata hi nahin sukhan kisi ka