نازنیں جن کے کچھ نیاز نہیں

نازنیں جن کے کچھ نیاز نہیں

ان حسینوں سے دل کو ساز نہیں

غیر کا بھید کیوں نہ کھل جائے

آپ کے دل کا تو وہ راز نہیں

اک تری ذات کے سوا زاہد

کوئی دنیا میں پاکباز نہیں

اس میں پاتا ہوں کچھ تری خوبی

مجھ کو بے وجہ دل پہ ناز نہیں

جتنے ہیں اہل درد ہیں ہمدرد

دل وہ پتھر ہے جو گداز نہیں

کہہ رہی ہے یہ سادگی کی ادا

نیک و بد میں کچھ امتیاز نہیں

جبہ سائی بتوں کے در کی حفیظؔ

زاہد خشک کی نماز نہیں

naznin jin ke kuchh niyaz nahin

un hasinon se dil ko saz nahin

ghair ka bhed kyun na khul jae

ap ke dil ka to wo raz nahin

ik tiri zat ke siwa zahid

koi duniya mein pakbaz nahin

is mein pata hun kuchh tiri khubi

mujh ko be wajh dil pe naz nahin

jitne hain ahl-e-dard hain hamdard

dil wo patthar hai jo gudaz nahin

kah rahi hai ye sadgi ki ada

nek-o-bad mein kuchh imtiyaz nahin

jubba sai buton ke dar ki hafiz

zahid-e-khushk ki namaz nahin