ناحق شکایت غم دنیا کرے کوئی

ناحق شکایت غم دنیا کرے کوئی

غم ہے بڑی خوشی جو گوارا کرے کوئی

رگ رگ میں دل کی جذب ہے محشر امید

اندازۂ ہجوم تمنا کرے کوئی

ہے ان کے آستاں پہ ہجوم غرور و ناز

گنجائش جبیں ہو تو سجدا کرے کوئی

یوسف غیور فطرت یوسف غیور تر

کیا اعتبار خواب زلیخا کرے کوئی

ہر شخص ہے خراب تمنا بقدر ذوق

سیمابؔ کس سے عرض تمنا کرے کوئی

nahaq shikayat-e-gham-e-duniya kare koi

gham hai bari khushi jo gawara kare koi

rag rag mein dil ki jazb hai mahshar-e-ummid

andaza-e-hujum-e-tamanna kare koi

hai un ke astan pe hujum-e-ghurur-o-naz

gunjaish-e-jabin ho to sajda kare koi

yusuf ghayur fitrat-e-yusuf ghayur tar

kya etibar khwab-e-zulekha kare koi

har shakhs hai kharab-e-tamanna baqadr-e-zauq

simab kis se arz-e-tamanna kare koi