نازنیں جب خرام کرتے ہیں

نازنیں جب خرام کرتے ہیں

تب قیامت کا کام کرتے ہیں

گل پہ جوں اوس یوں ترے مکھ پر

ٹوٹ دل اژدحام کرتے ہیں

تم نظر کیوں چرائے جاتے ہو

جب تمہیں ہم سلام کرتے ہیں

کیا تماشا ہے جب کہ دو معشوق

مل کے باہم کلام کرتے ہیں

مومنوں کے دلوں کو یہ بد کیش

کافری کر کے رام کرتے ہیں

عشق کی صف منیں نمازی سب

آبروؔ کو امام کرتے ہیں

naznin jab khiram karte hain

tab qayamat ka kam karte hain

gul pe jun os yun tire mukh par

tut dil izhdiham karte hain

tum nazar kyun churae jate ho

jab tumhen ham salam karte hain

kya tamasha hai jab ke do maashuq

mil ke baham kalam karte hain

mominon ke dilon ko ye bad kesh

kafiri kar ke ram karte hain

ishq ki saf manen namazi sab

abru ko imam karte hain