ناتواں عشق نے آخر کیا ایسا ہم کو

ناتواں عشق نے آخر کیا ایسا ہم کو

غم اٹھانے کا بھی باقی نہیں یارا ہم کو

درد فرقت سے ترے ضعف ہے ایسا ہم کو

خواب میں بھی ترے دشوار ہے آنا ہم کو

جوش وحشت میں ہو کیا ہم کو بھلا شکر لباس

بس کفایت ہے جنوں دامن صحرا ہم کو

رہبری کی دہن یار کی جانب خط نے

خضر نے چشمۂ حیوان یہ دکھایا ہم کو

دل گرا اس کے زنخداں میں فریب خط سے

چاہ خس پوش تھا اے وائے نہ سوجھا ہم کو

واہ کاہیدگیٔ جسم بھی کیا کام آئی

بزم میں تھے پہ رقیبوں نے نہ دیکھا ہم کو

قالب جسم میں جاں آ گئی گویا شبلیؔ

معجزہ فکر نے اپنی یہ دکھایا ہم کو

natawan ishq ne akhir kiya aisa ham ko

gham uthane ka bhi baqi nahin yara ham ko

dard-e-furqat se tire zof hai aisa ham ko

khwab mein bhi tire dushwar hai ana ham ko

josh-e-wahshat mein ho kya ham ko bhala shukr libas

bas kifayat hai junun daman-e-sahra ham ko

rahbari ki dahan-e-yar ki janib khat ne

khizr ne chashma-e-haiwan ye dikhaya ham ko

dil gira us ke zanakhdan mein fareb-e-khat se

chah-e-khas posh tha ai wae na sujha ham ko

wah kahidugi-e-jism bhi kya kam ai

bazm mein the pe raqibon ne na dekha ham ko

qalib-e-jism mein jan a gai goya shabli

mojiza fikr ne apni ye dikhaya ham ko