میں وہ بے چارہ ہوں جس سے بے کسی مانوس ہے

میں وہ بے چارہ ہوں جس سے بے کسی مانوس ہے

جو ہتھیلی ہاتھ میں ہے اک کف افسوس ہے

اس قدر رنج سیہ بختی سے ہوں زار و نحیف

دو قدم چلنا بھی جس کو ایک کالے کوس ہے

آسماں نان جویں بھی دے تو نعمت جانیے

پاؤ روٹی بھی جو ہاتھ آئے سمجھے توس ہے

غیر کے خاطر دھرا جاتا ہوں میں مفت خدا

کوئی ملزم ہو وہ بت دیتا مجھی کو دوس ہے

شادؔ آسا ہے اسے بھی بوسۂ لب کی ہوس

بوالہوس بھی اے شکر لب ایک ہی لہلوس ہے

main wo be chara hun jis se be kisi manus hai

jo hatheli hath mein hai ik kaf-e-afsos hai

is qadar ranj-e-siyah bakhti se hun zar-o-nahif

do qadam chalna bhi jis ko ek kale kos hai

asman nan-e-jawin bhi de to nemat janiye

pao roti bhi jo hath ae samjhe tus hai

ghair ke khatir dhara jata hun main muft-e-khuda

koi mulzim ho wo but deta mujhi ko dos hai

shad asa hai use bhi bosa-e-lab ki hawas

bawalhos bhi ai shakar lab ek hi lahlos hai