میں کیا ہوں کون ہوں یہ بھی خبر نہیں مجھ کو

میں کیا ہوں کون ہوں یہ بھی خبر نہیں مجھ کو

وہ اس طرح مری ہستی پہ چھائے جاتے ہیں

خیال ہی ابھی آیا تھا کوئے جاناں کا

یہ حال ہے کہ قدم ڈگمگائے جاتے ہیں

وہ پوچھتے ہیں دل مبتلا کا حال اور ہم

جواب میں فقط آنسو بہائے جاتے ہیں

کہاں ہے شوق بتا غیرت کشش تیری

وہ میری خاک سے دامن بچائے جاتے ہیں

مٹا رہے ہیں وہ کیوں داغہائے دل ہادیؔ

چراغ کیوں یہ جلا کر بجھائے جاتے ہیں

main kya hun kaun hun ye bhi khabar nahin mujh ko

wo is tarah miri hasti pe chhae jate hain

khayal hi abhi aya tha ku-e-janan ka

ye hal hai ke qadam dagmagae jate hain

wo puchhte hain dil-e-mubtala ka hal aur ham

jawab mein faqat ansu bahae jate hain

kahan hai shauq bata ghairat-e-kashish teri

wo meri khak se daman bachae jate hain

mita rahe hain wo kyun daghhae dil hadi

charagh kyun ye jala kar bujhae jate hain