آخر نہ چلی کوئی بھی تدبیر ہماری
میرزا الطاف حسین عالم لکھنویآخر نہ چلی کوئی بھی تدبیر ہماری
بن بن کے بگڑنے لگی تقدیر ہماری
یہ عشق کے ہاتھوں ہوئی توقیر ہماری
بازاروں میں بکنے لگی تصویر ہماری
اس طرح کے دن رات دکھاتی ہے کرشمے
تقدیر پس پردۂ تدبیر ہماری
جلدی نہ کرو دھار ہے خنجر پہ ابھی تو
ہو لینے دو ثابت کوئی تقصیر ہماری
کچھ خون کی چھینٹیں کہیں اشکوں کی نمی ہے
جاتی ہے عجب شان سے تحریر ہماری
ہر سمت دہک اٹھتی ہے اک آگ جہاں میں
لو دیتی ہے جب رات کو زنجیر ہماری
بس ڈال لو چہرے پہ نقاب اپنے خدارا
بے ربط ہوئی جاتی ہے تقریر ہماری
یہ کہتے ہی بس مر گیا ناکام محبت
تم بھی نہ ہمارے ہوئے تقدیر ہماری
عالمؔ فلک تفرقہ پرداز کا ڈر ہے
بنتے ہی بگڑ جائے نہ تقدیر ہماری
akhir na chali koi bhi tadbir hamari
ban ban ke bigarne lagi taqdir hamari
ye ishq ke hathon hui tauqir hamari
bazaron mein bikne lagi taswir hamari
is tarah ke din rat dikhati hai karishme
taqdir pas-e-parda-e-tadbir hamari
jaldi na karo dhar hai khanjar pe abhi to
ho lene do sabit koi taqsir hamari
kuchh khun ki chhinten kahin ashkon ki nami hai
jati hai ajab shan se tahrir hamari
har samt-e-dahak uthti hai ik ag jahan mein
lo deti hai jab rat ko zanjir hamari
bas dal lo chehre pe naqab apne khudara
be rabt hui jati hai taqrir hamari
ye kahte hi bas mar gaya nakam-e-mohabbat
tum bhi na hamare hue taqdir hamari
alam falak-e-tafriqa pardaz ka dar hai
bante hi bigar jae na taqdir hamari