میں ہوا زینت مکان قفس

میں ہوا زینت مکان قفس

دود افغاں ہے سائبان قفس

لو اسیرو کرو بیان چمن

اور مجھ سے سنو بیان قفس

ضعف سے میں نظر نہیں آتا

جانے صیاد مجھ کو جان قفس

تو سمجھتا نہیں مری صیاد

میں سمجھتا نہیں زبان قفس

آ گئی لب تک آہ آتش بار

اب خدا ہے نگاہ بان قفس

نہیں آتی خبر رہائی کی

طالع بد ہے پاسبان قفس

کس کی فریاد نے ہلائی زمیں

کس پہ ٹوٹا ہے آسمان قفس

سالکؔ آنے سے موت کے ہوگا

فائدہ اپنا اور زیان قفس

main hua zinat-e-makan-e-qafas

dud afghan hai saiban qafas

lo asiro karo bayan-e-chaman

aur mujh se suno bayan-e-qafas

zof se main nazar nahin ata

jane sayyad mujh ko jan-e-qafas

tu samajhta nahin miri sayyad

main samajhta nahin zaban-e-qafas

a gai lab tak ah atish bar

ab khuda hai nigah ban qafas

nahin ati khabar rihai ki

tale-e-bad hai pasban-e-qafas

kis ki fariyad ne hilai zamin

kis pe tuta hai asman-e-qafas

salik ane se maut ke hoga

faida apna aur ziin qafas