مے سے روشن رہے ایاغ اپنا

مے سے روشن رہے ایاغ اپنا

گل نہ ہو ساقیا چراغ اپنا

ہجر میں تر ہو کیا دماغ اپنا

خشک لب آپ ہے ایاغ اپنا

نکہت زلف جب سے آئی ہے

نہیں ملتا ہمیں دماغ اپنا

کس کی ہم جستجو میں نکلے تھے

نہیں پاتے کہیں سراغ اپنا

کیا ہے مذکور مرہم کافور

جب نمک سودا ہو نہ داغ اپنا

ہے شب ہجر وادئ وحشت

دیدۂ غول ہے چراغ اپنا

رات دن گل رخوں سے صحبت تھی

یاد آتا ہے خانہ باغ اپنا

سو رہا جو لپٹ کے وہ گل تر

دل ہوا آج باغ باغ اپنا

برگ گل صاف بن گیا پھاہا

کیا معطر ہوا دماغ اپنا

mai se raushan rahe ayagh apna

gul na ho saqiya charagh apna

hijr mein tar ho kya dimagh apna

khushk lab ap hai ayagh apna

nikhat-e-zulf jab se ai hai

nahin milta hamen dimagh apna

kis ki ham justuju mein nikle the

nahin pate kahin suragh apna

kya hai mazkur marham-e-kafur

jab namak sauda ho na dagh apna

hai shab-e-hijr wadi-e-wahshat

dida-e-ghaul hai charagh apna

rat din gul rukhon se sohbat thi

yad ata hai khana bagh apna

so raha jo lipat ke wo gul-e-tar

dil hua aj bagh bagh apna

barg-e-gul saf ban gaya phaha

kya muattar hua dimagh apna