میں وہ آتش نفس ہوں آگ ابھی
سردار گینڈا سنگھ مشرقیمیں وہ آتش نفس ہوں آگ ابھی
خرمن برق میں لگا دوں گا
روٹھو مجھ سے نہ وہ بلا ہوں میں
رونی صورت کو بھی ہنسا دوں گا
تو اٹھائے جو خنجر پر خم
گردن اپنی وہیں جھکا دوں گا
آہ سے عرش کو ہلا دوں گا
کنگر چرخ کو جھکا دوں گا
نہ چلو مجھ سے تم رقیبوں چال
انگلیوں پر تمہیں نچا دوں گا
وقت رونے کے آہ سوزاں سے
دامن ابر کو جلا دوں گا
آگے میرے نہ شیخی مار اے شیخ
رات کا ماجرا سنا دوں گا
آہ کو میری بے اثر نہ کہو
میں تماشا ابھی دکھا دوں گا
تم جو ہر روز کہتے ہو مر مر
ایک دن مر کے بھی دکھا دوں گا
دوسرے کو جو دو گے دل میں بھی
دل کے نقش وفا مٹا دوں گا
شیخ چل تو شراب خانے میں
میں تجھے آدمی بنا دوں گا
مشرقیؔ دے اگر وہ جام شراب
دل سے غم میں ابھی مٹا دوں گا
main wo atish nafas hun ag abhi
khirman-e-barq mein laga dunga
rutho mujh se na wo bala hun main
roni surat ko bhi hansa dunga
tu uthae jo khanjar par kham
gardan apni wahin jhuka dunga
ah se arsh ko hila dunga
kungar-e-charkh ko jhuka dunga
na chalo mujh se tum raqibon chal
ungliyon par tumhen nacha dunga
waqt rone ke ah-e-sozan se
daman-e-abr ko jala dunga
age mere na shekhi mar ai shaikh
rat ka majra suna dunga
ah ko meri be asar na kaho
main tamasha abhi dikha dunga
tum jo har roz kahte ho mar mar
ek din mar ke bhi dikha dunga
dusre ko jo doge dil mein bhi
dil ke naqsh-e-wafa mita dunga
shaikh chal to sharab khane mein
main tujhe admi bana dunga
mashriqi de agar wo jam-e-sharab
dil se gham mein abhi mita dunga