میں کہا بولنا شب غیر سے تھا تم کو کیا

میں کہا بولنا شب غیر سے تھا تم کو کیا

مسکرا کہنے لگا شوق مرا تم کو کیا

جو کہا میں کہ برے طور نکالے تم نے

پھیر کر منہ کو لگا کہنے بھلا تم کو کیا

شکوہ اس بت کے جفا کا جو کیا میں تو کہا

تم تو دنیا میں ہو اک اہل وفا تم کو کیا

درد سر دشمنوں کے ان کے ہوا رات سو میں

جوں ہی گھبرا کے یہ پوچھا تو کہا تم کو کیا

تان کر منہ پہ دوپٹہ بہ دم سرد کہا

تم لگے پوچھنے کیوں حال مرا تم کو کیا

ہر گھڑی تم جو ملامت مجھے کرتے ہو ہوسؔ

آپ میں دام محبت میں پھنسا تم کو کیا

main kaha bolna shab ghair se tha tum ko kiya

muskura kahne laga shauq mira tum ko kiya

jo kaha main ke bure tur nikale tum ne

pher kar munh ko laga kahne bhala tum ko kiya

shikwa us but ke jafa ka jo kiya main to kaha

tum to duniya mein ho ik ahl-e-wafa tum ko kiya

dard-e-sar dushmanon ke un ke hua rat so main

jun hi ghabra ke ye puchha to kaha tum ko kiya

tan kar munh pe dupatta ba dam-e-sard kaha

tum lage puchhne kyun hal mira tum ko kiya

har ghari tum jo malamat mujhe karte ho hawas

ap mein dam-e-mohabbat mein phansa tum ko kiya