میں ہو کے ترے غم سے ناشاد بہت رویا

میں ہو کے ترے غم سے ناشاد بہت رویا

راتوں کے تئیں کر کے فریاد بہت رویا

حسرت میں دیا جی کو محنت کی نہ ہوئی راحت

میں حال ترا سن کر فرہاد بہت رویا

گلشن سے وہ جوں لایا بلبل نے دیا جی کو

قسمت کے اوپر اپنی صیاد بہت رویا

نشتر تو لگاتا تھا پر خوں نہ نکلتا تھا

کر فصد مری آخر فصاد بہت رویا

کر قتل مجھے ان نے عالم میں بہت ڈھونڈا

جب مجھ سا نہ کوئی پایا جلاد بہت رویا

جب یار مرا بگڑا خط آئے سے اے تاباںؔ

تب حسن کو میں اس کے کر یاد بہت رویا

main ho ke tire gham se nashad bahut roya

raton ke tain kar ke fariyad bahut roya

hasrat mein diya ji ko mehnat ki na hui rahat

main hal tira sun kar farhad bahut roya

gulshan se wo jun laya bulbul ne diya ji ko

qismat ke upar apni sayyad bahut roya

nashtar to lagata tha pur khun na nikalta tha

kar fasd miri akhir fassad bahut roya

kar qatl mujhe un ne alam mein bahut dhunda

jab mujh sa na koi paya jallad bahut roya

jab yar mira bigra khat ae se ai taban

tab husn ko main us ke kar yad bahut roya