میں یار کا جلوا ہوں

میں یار کا جلوا ہوں

یا دیدۂ موسیٰ ہوں

قطرہ ہوں نہ دریا ہوں

بستی ہوں نہ صحرا ہوں

جینا مرا مرنا ہے

مرنے کو ترستا ہوں

اپنی ہی امیدوں کا

بگڑا ہوا نقشا ہوں

ارمانوں کا گہوارا

حسرت کا جنازا ہوں

اس عالم ہستی میں

یوں ہوں کہ میں گویا ہوں

زندہ ہوں مگر بیدمؔ

اک طرفہ تماشا ہوں

main yar ka jalwa hun

ya dida-e-musa hun

qatra hun na dariya hun

basti hun na sahra hun

jina mira marna hai

marne ko tarasta hun

apni hi ummidon ka

bigra hua naqsha hun

armanon ka gahoara

hasrat ka janaza hun

is alam-e-hasti mein

yun hun ke main goya hun

zinda hun magar bedam

ik turfa tamasha hun