میں کہا ایک ادا کر تو لگا کہنے اوں ہوں

میں کہا ایک ادا کر تو لگا کہنے اوں ہوں

دیکھ ٹک آنکھ چرا کر تو لگا کہنے اوں ہوں

سب سے ہنستا تھا وہ کل، رو کے جو میں بول اٹھا

ہم سے بھی ٹک تو ہنسا کر تو لگا کہنے اوں ہوں

میں کہا دل کو میں لے جاؤں تو بولا وہ کہ ہوں

لے چلا جب میں اٹھا کر تو لگا کہنے اوں ہوں

میں کہا صبر و دل و دیں نے وفا ہم سے نہ کی

بے وفا تو تو وفا کر تو لگا کہنے اوں ہوں

میں کہا جام مے پیتے ہو تو بولا وہ کہ ہوں

جب کہا لاؤں چھپا کر تو لگا کہنے اوں ہوں

میں کہا صحبت اغیار بری ہے پیارے

ان سے اتنا نہ ملا کر تو لگا کہنے اوں ہوں

میں کہا عشق کو اظہار کروں بولا ہوں

جب کہا کہتا ہوں جا کر تو لگا کہنے اوں ہوں

میں کہا سمجھے ہے آزار مرا بولا ہوں

جب کہا کچھ تو دوا کر تو لگا کہنے اوں ہوں

میں کہا اب تری دوری سے ہے جرأتؔ بے تاب

کچھ تو کہہ پاس بلا کر تو لگا کہنے اوں ہوں

main kaha ek ada kar to laga kahne un hun

dekh tuk ankh chura kar to laga kahne un hun

sab se hansta tha wo kal, ro ke jo main bol utha

ham se bhi tuk to hansa kar to laga kahne un hun

main kaha dil ko main le jaun to bola wo ke hun

le chala jab main utha kar to laga kahne un hun

main kaha sabr-o-dil-o-din ne wafa ham se na ki

be wafa to to wafa kar to laga kahne un hun

main kaha jam-e-mai pite ho to bola wo ke hun

jab kaha laun chhupa kar to laga kahne un hun

main kaha sohbat-e-aghyar buri hai pyare

un se itna na mila kar to laga kahne un hun

main kaha ishq ko izhar karun bola hun

jab kaha kahta hun ja kar to laga kahne un hun

main kaha samjhe hai azar mira bola hun

jab kaha kuchh to dawa kar to laga kahne un hun

main kaha ab tiri duri se hai jurat be tab

kuchh to kah pas bala kar to laga kahne un hun