میں لپٹتا رہا ہوں خاروں سے
یوسف ظفرمیں لپٹتا رہا ہوں خاروں سے
تم نے پوچھا نہیں بہاروں سے
چاندنی سے سحاب پاروں سے
جی بہلتا ہے یاد گاروں سے
آ مرے چاند رات سونی ہے
بات بنتی نہیں ستاروں سے
منزل زندگی ہے کتنی دور
پوچھ لیتا ہوں رہ گزاروں سے
بات جب بھی چھڑی محبت کی
خامشی بول اٹھی مزاروں سے
ایک بھی آفتاب بن نہ سکا
لاکھ ٹوٹے ہوئے ستاروں سے
شام غم بھی گزر گئی ہے ظفرؔ
کھیلتے کھیلتے غباروں سے
main lipatta raha hun kharon se
tum ne puchha nahin baharon se
chandni se sahab paron se
ji bahalta hai yad garon se
a mire chand rat suni hai
bat banti nahin sitaron se
manzil-e-zindagi hai kitni dur
puchh leta hun rah guzaron se
bat jab bhi chhiri mohabbat ki
khamushi bol uthi mazaron se
ek bhi aftab ban na saka
lakh tute hue sitaron se
sham-e-gham bhi guzar gai hai zafar
khelte khelte ghubaron se