میں نے کہا کہ تجزیۂ جسم و جاں کرو
سراج الدین ظفرمیں نے کہا کہ تجزیۂ جسم و جاں کرو
اس نے کہا یہ بات سپرد بتاں کرو
میں نے کہا کہ بہار ابد کا کوئی سراغ
اس نے کہا تعاقب لالہ رخاں کرو
میں نے کہا کہ صرف دل رائیگاں ہے کیا
اس نے کہا آرزوئے رائیگاں کرو
میں نے کہا کہ عشق میں بھی اب مزا نہیں
اس نے کہا کہ از سر نو امتحاں کرو
میں نے کہا کہ اور کوئی پند خوش گوار
اس نے کہا کہ خدمت پیر مغاں کرو
میں نے کہا ہم سے زمانہ ہے سر گراں
اس نے کہا کہ اور اسے سر گراں کرو
میں نے کہا کہ زہد سراسر فریب ہے
اس نے کہا یہ بات یہاں کم بیاں کرو
میں نے کہا کہ حد ادب میں نہیں ظفرؔ
اس نے کہا نہ بند کسی کی زباں کرو
main ne kaha ke tajziya-e-jism-o-jan karo
us ne kaha ye bat supurd-e-butan karo
main ne kaha ke bahar abad ka koi suragh
us ne kaha taaqub-e-lala rukhan karo
main ne kaha ke sirf-e-dil raigan hai kya
us ne kaha arzu-e-raigan karo
main ne kaha ke ishq mein bhi ab maza nahin
us ne kaha ke az sar-e-nau imtihan karo
main ne kaha ke aur koi pand-e-khush gawar
us ne kaha ke khidmat-e-pir-e-mughan karo
main ne kaha ham se zamana hai sar giran
us ne kaha ke aur use sar giran karo
main ne kaha ke zohd sarasar fareb hai
us ne kaha ye bat yahan kam bayan karo
main ne kaha ke had-e-adab mein nahin zafar
us ne kaha na band kisi ki zaban karo