میں تو عاجز ہوں تمہیں پوچھو دل ناکام سے
ناصری لکھنویمیں تو عاجز ہوں تمہیں پوچھو دل ناکام سے
کیوں تڑپ جاتا ہے سینے میں تمہارے نام سے
سب پئیں ساقی رہیں محروم ہم اک جام سے
ہو گئی برگشتہ قسمت گردش ایام سے
ہجر کی زحمت سے آغاز جوانی میں مرے
تھک گئے تھے ہم کچھ ایسی نیند آئی شام سے
غیر کی تشنیع کا ہم دے نہیں سکتے جواب
خون کی بوندیں ٹپکتی ہیں دل ناکام سے
صرف بیداری ہے اپنی عمر اے سودائے عشق
نیند آئے قبر میں شاید ہمیں آرام سے
جانتے ہیں خوب اس پیماں شکن کو ناصریؔ
دل بہل جاتا ہے لیکن نامہ و پیغام سے
main to ajiz hun tumhen puchho dil-e-nakam se
kyun tarap jata hai sine mein tumhare nam se
sab piyen saqi rahen mahrum ham ik jam se
ho gai bargashta qismat gardish-e-ayyam se
hijr ki zahmat se aghaz-e-jawani mein mire
thak gae the ham kuchh aisi nind ai sham se
ghair ki tashni ka ham de nahin sakte jawab
khun ki bunden tapakti hain dil-e-nakam se
sirf-e-bedari hai apni umr ai sauda-e-ishq
nind ae qabr mein shayad hamen aram se
jante hain khub is paiman shikan ko nasiri
dil bahal jata hai lekin nama-o-paigham se