میں جو مر جاؤں عجب عالم رہے

میں جو مر جاؤں عجب عالم رہے

غم کو بھی مرنے کا میرے غم رہے

آرزوئے وصل میں کیا دم رہے

خون دل آ کر لبوں پر جم رہے

چوڑیوں کی ہائے وہ دل کش صدا

حشر تک یا رب مرا ماتم رہے

بے خودی ہے خود فراموشی نہیں

ہم نہیں ہیں آپ میں گر ہم رہے

جب کسی کی بے کسی یاد آ گئی

قتل میں دست ستم گر تھم رہے

سامنے سے ہٹ نہ او آئینہ رو

جب تک ان آنکھوں میں کچھ کچھ دم رہے

اف نہ کر صفدرؔ تہ تیغ ستم

گردن تسلیم واں بھی خم رہے

main jo mar jaun ajab alam rahe

gham ko bhi marne ka mere gham rahe

arzu-e-wasl mein kya dam rahe

khun-e-dil a kar labon par jam rahe

chauriyon ki hae wo dil kash sada

hashr tak ya rab mira matam rahe

be khudi hai khud faramoshi nahin

ham nahin hain ap mein gar ham rahe

jab kisi ki be kisi yad a gai

qatl mein dast-e-sitam gar tham rahe

samne se hat na o aina ru

jab tak in ankhon mein kuchh kuchh dam rahe

uf na kar safdar tah-e-tegh-e-sitam

gardan-e-taslim wan bhi kham rahe