میں شمع بزم عالم امکاں کیا گیا

میں شمع بزم عالم امکاں کیا گیا

انسانیت کو دیکھ کے انساں کیا گیا

اب میرے امتحان کا ساماں کیا گیا

یعنی سپرد عالم امکاں کیا گیا

محفوظ میں نے رکھے جنوں کے تبرکات

دامن اگر پھٹا تو گریباں کیا گیا

طے کر کے ارتقا کے منازل کو شوق سے

پہنچا جب اپنے حد پہ تو انساں کیا گیا

سچ پوچھئے تو کیا تھا فقط ایک خار زار

میرے لئے جہاں کو گلستاں کیا گیا

دریا تو اور بھی تھے زمانے میں بے شمار

آب حیات چشمۂ حیواں کیا گیا

کچھ اور روشنی کا بڑھا حسن یا نہیں

فانوس میں جو شعلے کو پنہاں کیا گیا

main sham-e-bazm-e-alam-e-imkan kiya gaya

insaniyat ko dekh ke insan kiya gaya

ab mere imtihan ka saman kiya gaya

yaani supurd-e-alam-e-imkan kiya gaya

mahfuz main ne rakhe junun ke tabarrukat

daman agar phata to gareban kiya gaya

tai kar ke irtiqa ke manazil ko shauq se

pahuncha jab apne had pe to insan kiya gaya

sach puchhiye to kya tha faqat ek khar zar

mere liye jahan ko gulistan kiya gaya

dariya to aur bhi the zamane mein be shumar

ab-e-hayat chashma-e-haiwan kiya gaya

kuchh aur raushni ka barha husn ya nahin

fanus mein jo shole ko pinhan kiya gaya